~Provincia Romana – Piacenza, 21 Giugno 1841.

Padre Luigi Berlendis.~

Pax Christi

Admodum Reverende in Christo Pater

Paucis, iterum, Admodum Reverendo Patri, Tibi litteras mitto, ut et votum, quo teneor, solvam, et, quod caput est, Te faciam certiorem quomodo de exteris Missionibus sim affectus. Equidem in dies magis succrescunt desideria: et si cogitanti mihi quę virtus, quę scientia ejusmodi ministeria expostulent deficiat animus utpote tanto oneri impar, attamen me fiducia erigit fortitudinis in Domino, qui si me operarium in messem suam mittere dignatus fuerit, non solum possibile sed et facile pręstabit, quod per naturam impossibile esse videtur. Etsi non dubito pro tua in me paterna charitate quin paupertatem meam in tuis precibus memoria teneas, tamen etiam atque etiam me Tibi commendo, ut Voluntas Dei plane in me adimpleatur. – Omnia ad majorem Dei gloriam, Societatisque incrementum, bonumque animarum Tibi feliciter cedant. Haec vota mea quę pro Te quotidie ad Altare Domini effundo.

Indignissimus in Christo Servus et filius

Aloisius Berlendis Societatis Jesu

Post Scriptum: Vel unam lineam avide a tua benignitate expecto.

Placentiae – Ex Collegio Sancti Petri Societatis Jesu die 21 Junii 1841.

Placentiae. – 21 Junii 1841. – Fratello Berlendis // petit exteras missiones

Al Molto Reverendo Padre in Cristo // Il Padre Giovanni Roothaan // Preposito Generale della Compagnia di Gesù // Roma