Admodum Reverende in Christo Pater Noster

Pax Christi

Ad cęteras animi mei consolationes quibus fruor abhinc Societatem [t]um amplexus, illa etiam accedit magno me animarum zelo ardere, ita ut Deo hęc mea desideria jamdiu concepta Patris Provincialis benedictione, devovi in votorum renovation postridie nonas juanuarii. Non possum vobis exprimere gaudia cum hoc votum quotidie, hac forma constrictum, repeto: „Omnipotens sempiterne Deus ego Hieronymus de Andrea tuis beneficiis licet indignissimus, fretus tamen pietate ac Misericordia tua infinita, et impulsus tibi serviendi desiderio in Societate Iesu, ad quam me peramanter vocasti juxta spiritum quem ejus constitutiones exigunt, ut meam non solum sed animarum omnium in quavis mundi plaga salutem, ac sanctitatem procurem, voveo coram Sacratissima Virgine Maria, et Curia tua Cęlesti universa pręcipue Sanctissimis Ignatio, Francisco Xaverio, Paulo Apostolo, quorum sicut in hoc peragendo imitari studeo animarum zelum ita patrocinium ad exequendum desidero, me ad missiones aspiraturum ut vitam in eis perpetuo degam, vel inter Catholicos, vel Hereticos, bel Barbaros, vel infideles ut Superioribus libuerit. Sed ut me tuę prorsus tradam voluntati hoc votum in Superiorum manibus remitto vel mutare, vel abrogare velint semper contentus ero. A tua ergo immensa bonitate, ac clementia peto supplex per Iesu Christi sanguinem ut hoc votum tamquam mei erga te amoris pignus excipias, et illud [des] assequar, ardentissimumque pręterea animarum zelum ad sanguinem effundendum largiaris, vires augeas voto pares, meorumque veniam tribuas peccatorum.„ Vestram Paternitatem ejusdem Provincialis et mei Confessori consilio certiorem facio de hac re, ut aliquando mea desideria perficiantur; labores quidem Apostolorum, quos cerno, meum animum non frangunt, sed erigunt, quid enim beatius quam [propius] Christi vestigia^a sectari? Quotidie hoc desiderium fit mihi ardentius, et quoniam^b Philosophię studiis addictus nequeo, ut cupio meum zelum effundere, adituram bis in hebdomada carceres a Superioribus obtinui; Hinc Deum adprecari non desino ut meis votis accedat propitius, et ad rectam frugem impios reducat; Nescio qui exprimam [sp…quę] mihi oboritur barbaros, infideles adjuvandi cum has preces ad Deum, et Mariam mitto! Ipsa mea Divina Mater hęc desideria, in me excitat, ab ea tamen me exauditum […] confido; quid inde faciam? Marię omnium Matris amorem in totum orben perfund[a]m, ego enim illam amore; benevolentia animo…. cum incredibili voluptate prosequor, nec cohibere possum lacrymas cum tot tantosque homines cerno hoc carissimo, ac materno perfugio carere. Quis ergo animi mei dolorem levare potest Deus scilicet in cujus manibus meę sunt spes repositę, sed pręter divinam vestrę Paternitatis etiam consolationem expeto, ut quoniam suorum filiorum missiones a Vestra Paternitate pendent sic hoc ipsum peto siquidem at mea confirmetur spes, exaudiat ergo precor hunc suum indignum filium, sed de animarum interitu dolentem, et earum desiderio urgentem, hoc unum peto donec exaudiar, nec dubito quin irrita mea vota ferantur, in longum prothrai possunt meę spes, sed minime non perfici; suis sacris sacrificiis commendo me maxime, suamque supplex benedictionem expeto.

Paternitatis Vestrę

Admodum Reverendo Patri Nostro

Ioanni Roothaan

Preposito Generali

Romę

Infimus in Christo servus

Hieronymus de Andrea

Panormi 4 Kalendas Februarii anni 1839

Panormi 4 Kalendas Februarias 1839. – Frater hieronymus de Andrea // Petit missiones

Al Molto Reverendo in Cristo Padre Nostro // Padre Giovanni Roothaan Preposito // Generale della Compagnia di Gesù // Roma