~Provincia Veneta

Reggio 6 decembre 1852.

Fratello Scolastico Giuseppe Lombardini.~

Admodum Reverende in Cristo Pater

Hac ipsa die Virgini ab origine immaculatae sacra vegementer impelli me sentio ut Paterntitati tuae desiderium sacrarum qua iamdiu flagro expeditionum adeundarum candide manifestem. Id unum in caussa est cur scribere audeam ratus hoc litterarum Tibi, Amplissime Pater, injucundum minime futurum si Mariae Sanctae ab origine insontis nomine et auspiciis commendaretur. Vel decem abhinc annis paullo antequam in Societatem nomen darem desiderium illud animum meum primo incessit cum annales propagatae fidei perlegerem; me vero in Societate cooptato et tyrocinium aggresso succrevit, nec dum rhetoricae ac philosophiae studerem evanuit licet ex intervallo minus illo inflammari me expertus fuerim, quum scilicet illud ipsum opportunis cogi=

//

tationibus per negligentiam, ob quam nunc rubore suffundor, fovere destitissem. At quatuor ultimis hisce annis, quos in Provincia Franciae feliciter egi, cum crebros nuncios acciperem de Sodalibus qui extra Europam in christiano nomine propagando toti sunt, magis magisque incitari coepi ut hos pro virili parte imitarer. Anno praesertim superiore, quem Lutetiae peregi ubi facta mihi facultas fuit alloquendi Socios insulam Madagascar petentes et eos qui Cajennam mittebantur, dum ab ipso Japoniae Antistiter rescirem fare ut brevi aliquot e Societate Patres Japoniae regnum adire omni ope contendant mirum est quantopere in me sacer ille amor sacras adeundi expeditiones exarserit. In Italiam revocatus ac Regium Lepidi Theologiae perdiscendae caussa missus desiderium hoc per sanctas Beati Patris Nostri commentationes excolui. Nunc mihi temperare neutiquam possum quin a Te, Pater optime atque amantissime, fidenter efflagitem ut huic desiderio meo favere non renuas. Ad Japoniam in primis ipse votis omnibus feror siquidem tot Patrum italorum qui vitam pro religione tuenda dederunt praeclaris exemplis commovear; nihilominus eo semper animo sum qui Societatis filium doceat, nimirum ut in eam tantummodo plagam conferre me velim quam mihi Deus per vitae meae moderatores ostendat. Qua

//

benignitate Issenheimii et Brugeletti amplexu ac colloquio tuo me donasti eadem nunc postulationem meam excepturum Te minime dubito, ac futurum ut mihi, etsi nil tale merito, paternam benedictionem tuam [...]tiaris.

Interea a praepotenti Deo et ab auxilia [...] Virgine labis nescia adsiduis precibus petam ut [...]ssime Pater, in universae Societatis bonum multos annos incolumen servare pergant.

Paternitatis Tuae

Infimus in Christo Servus

Josephus Lombardini Scholasticus Societatis Jesu

Regii Lepidi VI D. Decembris MDCCCLII