Ad Maiorem Dei Gloriam

O pater animae meae. Ego Stephanus Romani ultimus vocatorum in Societatem JESU ardentissimo ardore ardeo impendendi sudores, labores, curas, ingenia (si quae habeo) et demum sanguinem effundendi, si Desu me tanto honore dignetur, ut universus terrarum orbis in agnitionem nominis JESU veniat. Ecce pater me totum quantum in manus tuas committo. Utinam, utinam me ad missiones mittas. Jube modo, et ego exiliensibo nullo comite Dei suffultus auxilio. Jube paracto logicae cursu, et ego exiliens ibo nihili pendens profectum in studiis. Jube ut coadjutoris Temporalis munere fungar, et ego exiliens ibo, unum enimo desidero ut omnes animas, si possim convertam. Scias Deum me vocare. Circa sanitatem bene me habeo, nec itinerum, nec vigiliarum, nec [...] unionum venear, nec facio animam meam pretioriorem quam me. O ultimam, JESU, in corde regnes omnium. Scias, pater, me semper in meis licet frigidissimis orationibus totius orbis conversionem [...]. Scias jam tempestas illas tentationum [...], et nunc facta est tranquillitas magna. Jam multis ab hinc mensibus ardor iste me coquelat, et manifestavi patribus animae meae, et confessarii qui expectandum esse dixerunt. Modo non me continere valui. Ad te veni, ut tu de me id facias, quod in majorem Dei laudem cedat. O utinam amore illius moriar, qui amore amoris mei dignatus est mori. Amen.

Stefano Romani // Scholastico Missioni