https://indipetae.bc.edu/files/original/53b993bed61f509f555de70998b0940a.jpg be95b98217f46081446b07ab78dd94be https://indipetae.bc.edu/files/original/1ebc90906ed9a0de1eab32249a7d8726.jpg 1444395267420315d0fb3cc11c5ae0b6 https://indipetae.bc.edu/files/original/f0e9c3f0400d90e41066398ff0fa2877.pdf abde4a707f3ade7aa362e2fa21ec3fcc Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource New Society (1814-1958) Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Description An account of the resource ~Provincia Romana Verona, 29 Octobris 1839 Frater Scholasticus Nicolaus Maroni~ Admodum Reverende in Christo Pater Pax Christi Iam usque a multis annis antequam nuncium mundo reitterem, et Jesu Societati nomen darem, vehemens mihi animum subiit cogitatio de Missionum provincia in infidelium regionibus suscipienda; flangrantique simul non disseminandae modo fidei Catholicae, verum etiam, si tanto beneficio Deus me dignaretur, vitam et sanguinem pro convertendis ad Evangelii lucem infidelibus in Christi ejusque fidei obsequium profundendi desiderio teneri coepi. Hoc animi voluntas etiam in saeculo vehementius aliquando exarsit, ea praesertim tempestate qua Cholera-morbus hisce in regionibus grassabatur; neque unquam deferbuit, quin etiam, quantum memini, fuit potissima, vel certe potior ratio, quae me ad Societatem potius amplexandam, quam alium Ordinem Religiosum impulit. In examine pro obtinendo in Societatem ingressu hanc meam voluntatem Reverendo Patri Rectori Josepho Ferarri exposui: ingressus, decursu tirocinii, postulationes saepe iteravi: bis etiam Reverendo Patri Provinciali Spedalieri patefeci, qui me bene sperare jussit. Semper et in saeculo, et multo magis in Societate hoc desiderium, quam maxime potui, fovi, aluique, omnesque meas orationes et opera ad hanc gratiam a Deo obtinendam intendi, novendialesque preces cum Sancto Francisco Xaverio, aliisque Societatis Sanctis, meisque Patronis, tum maxime Beatae Mariae Virgini eandem ob causam obtuli. In animo quoque habebam me voto adstringere, et petii, sed minime mihi fuit concessum. Votis denique (maximo Dei, ejusque Sanctae Matris, cui hanc gratiam acceptam refero, beneficio, et Societatis humanitate, ac benignitate) post tirocinii biennium nuncupatis, petitionem iterum atque iterum instauravi, ardentiusque rogavi Superiores, qui demum has litteras petitorias tuae Paternitati dandas sunt adhortati; et hodie interno quodam instinctu impulsus facultatem votum emittendi de petendis Missionibus ad exteras gentes etiam infidelium a Reverendo Patre Rectore deprecatus sum, et meo vel maximo gaudio obtinui, quod crastina die, gratia Dei adjuvante, et Beati Alphonsi Rodriguez clientelae et patrocinio confisus in unius Dei gloriam noncupabo, Placentiam summo mane migraturus. Ecce igitur, Admodum Reverende Pater, egomet ad tuos pedes spiritu provolutus venio supplicabundus, tuamque // Paternitatem per Jesu ejusque Matris Sanctissimae Corda enixe oro, obtestorque, ut meo desiderio suffragari, meque ad exteras nationes mittere ne graveris. Ego ad tuum nutum jam me peditem, omnibusque rebus destitutum, quocumque tibi in votis sit, peregre proficisci, et quibusque itineribus committere paratum exhibeo; quamvis, si dicere licet, animum meum ad Missionem magis in Monte Libano inclinare sentiam, quam ad quamlibet aliam mundi plagam; sed hoc parum curo, et ad quamcumque nationem me conferre sum paratus. Quantum mihi videor, me ad qualescumque labores, vigilias, pericula, mortem denique ipsam in Christi gratiam subeundam paratum sentio. Sed jam video, Admodum Reverende Pater, te animum meum quidem probare, dummodo illis dotibus, virtutibusque ad provinciam tanti momenti bene explendam necessarius sim praeditus. Fateor, Admodum Reverende Pater, hanc cogitationem mihi magnum incutere timorem, et cum meipsum perpendo, tantique officii magnitudinem attente considero me omnino huic oneri imparem cognosco, et hoc Missionum desiderium quanto magis fervet, tanto magis timor mei ipsius augetur. Attamen animum non despondeo, et nihil antiquis habeo, quam ut tu, Admodum Reverende Pater, me penitus noscas, ne in re tanti ponderis halluciner, compertumque habere possim hanc esse Dei voluntatem, et nihil aliud cupio. Tunc enim si me mittendum duxeris, gratia Dei, ejusque Matris Mariae patrocinio fultus, laetus quovis gentium proficiscar: et utinam statim mihi hoc liceret; certe me beatissimum felicissimumque existimarem si mihi praecipua tantum Religionis nostrae mysteria infidelibus explicaturo, et sacro Ordine Diaconatus duobus jam abhinc expletis annis insignito nunc proficisci, sicque, ut in votis habeo, animam exhalare contingeret. Pro certo habe, Admodum Reverende Pater, me viribus corporis optime quidem valere; quantum vero virtutum et literarum in me sit certo esse parum cognosco, et hoc tantum, ni fallor, affirmare audeo me vivo teneri desiderio ea omnia comparandi, quae ad id oneris suscipiendum requiruntur, meque, ut idoneum reddam divinae gratiae confisus pro virili parte in posterum esse praestiturum polliceor. // Nescio quid aliud dicam, nisi: Ecce ego mitte me. Te iterum Admodum Reverende Pater oro, obtestorque per Jesu, Mariae, et Josephi Sancta Corda, ut meo desiderio indulgeas, nec tanta spe, et tam magno Dei beneficio me fraudari permittas. Hanc primam mihi oblatam occasionem abripio omnia in te, Admodum Reverende Pater, grati animi mei, amoris, obedientiae, et observantiae officia testificandi, teque precor, ut paternam tuam benedictionem mihi tuas paternas manus humilissime deosculanti largiaris. Paternitatis tuae Observantissimus Obedientissimus in Christo Filius Nicolaus Maria Maroni Schlasticus Societatis Jesu Veronae 4 Calendas Novembris 1839 Extent The size or duration of the resource. Verona 4 Kalendas Novembris 1839. – Pater Maroni // Petit missiones, praecipue Montis-Libani. Al Molto Reverendo in Cristo Padre Nostro // Giovanni Roothaan // Preposito Generale della Compagnia di Gesù // Roma Creator An entity primarily responsible for making the resource Maroni, Nicola Maria (1813-1886) Replaces A related resource that is supplanted, displaced, or superseded by the described resource. Brother Scholastic Date A point or period of time associated with an event in the lifecycle of the resource 1839 Temporal Coverage Temporal characteristics of the resource. October References A related resource that is referenced, cited, or otherwise pointed to by the described resource. 29 Coverage The spatial or temporal topic of the resource, the spatial applicability of the resource, or the jurisdiction under which the resource is relevant Verona Spatial Coverage Spatial characteristics of the resource. Rome Audience A class of entity for whom the resource is intended or useful. Roothaan, Jan Philip (1773-1853) Medium The material or physical carrier of the resource. Yes Publisher An entity responsible for making the resource available Lebanon Subject The topic of the resource Xavier, Francis (1506-1552) Mary Saint Joseph Jesus Rodriguez, Alfonso (1532-1617) Relation A related resource Ferrari, Giuseppe Spedalieri, Giuseppe (1791-1872) Date Issued Date of formal issuance (e.g., publication) of the resource. No Language A language of the resource Latin Identifier An unambiguous reference to the resource within a given context ARSI Has Format A related resource that is substantially the same as the pre-existing described resource, but in another format. AIT 1 Has Version A related resource that is a version, edition, or adaptation of the described resource. 301 Contributor An entity responsible for making contributions to the resource EF Date Submitted Date of submission of the resource. Examples of resources to which a Date Submitted may be relevant are a thesis (submitted to a university department) or an article (submitted to a journal). 1839-10-29 Title A name given to the resource Maroni, Nicola Maria (1813-1886), Verona, October 29, 1839